ဧရာဝတီတိုင်းဒေသကြီး ၊ ဟင်္သာတမြို့နယ်ရှိ ကွန်ပျူတာတက္ကသိုလ်(ဟင်္သာတ)တွင် နိုဝင်ဘာလ ၂၄ ရက် နေ့ မွန်းလွဲ(၁)နာရီခန့်က ၂၀၂၅-၂၀၂၆ ပညာသင်နှစ်၊ ပထမနှစ်သင်တန်းသို့ ဝင်ခွင့်ရသော မောင်မယ်သစ်လွင်များအား ကြိုဆိုနှုတ်ဆက်ပွဲနှင့် ဘာသာရပ်ဆိုင်ရာမိတ်ဆက်ပွဲအခမ်းအနားကို ကျင်းပ ခဲ့ရာ ဒုတိယပါမောက္ခချုပ် ဒေါက်တာထွန်းမြတ်အောင်က အဖွင့်အမှာစကားပြောကြားပြီး သင်ကြားရေး ဌာနမှူးများက ၎င်းတို့ဌာနက သင်ကြားရသော ဘာသာရပ်များ ၎င်းဘာသာရပ်များ၏ အသုံးဝင်မှုများ ၎င်းတို့ဌာနကဆောင်ရွက်သော Project များကို ရှင်းလင်းပြောကြားခဲ့သည်။ ထို့နောက်သင်တန်းရေးရာ ဌာနမှူးက ကျောင်းစည်းကမ်းများ၊ စာမေးပွဲဆိုင်ရာစည်းကမ်းများ၊ ကျောင်းသား၊ ကျောင်းသူများ၏ အခွင့်အရေးများကို ပြောကြားခဲ့ပါသည်။ စီနီယာကျောင်းသူတစ်ဦးမှ မောင်မယ်သစ်လွင်များအား ကြိုဆိုနှုတ်ဆက်စကားပြောပြီး အဆို၊ အက၊ အရေး၊ အတီး ဆုရကျောင်းသူတစ်ဦးက သီချင်းဖြင့် ဧည့်ခံဖျော်ဖြေပါသည်။ ယင်းနောက် ဒေါက်တာထွန်းမြတ်အောင်နှင့် ဌာနမှူးများက မောင်မယ်သစ်လွင် များအား ရင်းရင်းနှီးနှီး နွေးထွေးလှိုက်လှဲစွာ လိုက်လံနှုတ်ဆက်ခဲ့ကြပါသည်။
