ကွန်ပျူတာတက္ကသိုလ်(ဟင်္သာတ)၊ မိုးရာသီအမျိုးသားဘောလုံးပြိုင်ပွဲနှင့် အမျိုးသမီးဖူဆယ်ဘောလုံး ပြိုင်ပွဲကို (၂၈.၇.၂၀၂၅)ရက်နေ့တွင် ဟင်္သာတမြို့၊ မြို့နယ်ပြည်သူ့အားကစားကွင်း၌ ဖွင့်ပွဲအခမ်းအနားကို ကျင်းပ ရာ ဒုတိယပါမောက္ခချုပ်၊ ဒေါက်တာထွန်းမြတ်အောင်က အဖွင့်အမှာစကားပြောကြားပြီး ဘောလုံးကန်ဖွင့်လှစ် ပေးခဲ့ပါသည်။ ဖွင့်ပွဲအခမ်းအနားတွင် အမျိုးသားဘောလုံးအသင်း(၄)သင်းနှင့် အမျိုးသမီးဘောလုံးအသင်း (၅)သင်းတို့က သြဝါဒစကားနာခံယူပြီး ဒုတိယပါမောက္ခချုပ်၊ ပါမောက္ခ/ ဌာနမှူးများနှင့် ဆရာ၊ ဆရာမများအား ချီတက်အလေးပြုကြပြီး၊ ပြိုင်ဆိုင်မည့် ဘောလုံးအသင်းများအား ကျောင်းသား၊ ကျောင်းသူလေးများက ပန်းစည်း ဆက်ကြပါသည်။
(၁.၈.၂၀၂၅)ရက်၊ သောကြာနေ့၊ ညနေ(၃း၃၀)အချိန်တွင် ဟင်္သာတမြို့၊ မြို့နယ်ပြည်သူ့အားကစားကွင်း၌ ဆုပေးပွဲအခမ်းအနားကို ကျင်းပပြုလုပ်ရာ နှစ်သိမ့်ဆုရရှိသော Phoenix(FC) အမျိုးသားဘောလုံးအသင်း ကို တွက်ချက်ရေးမဟာဌာနမှ ပါမောက္ခ/ ဌာနမှူး ဒေါက်တာသဲသဲထွေးကလည်းကောင်း၊ တတိယဆုရရှိသော ပထမနှစ်အမျိုးသားဘောလုံးအသင်းကို ခရိုင်အားကစားမှူး၊ လက်ထောက်ညွှန်ကြားရေးမှူး ဦးအောင်သိန်းဝင်းက လည်းကောင်း၊ ဒုတိယဆုရရှိသော Unique(FC) အမျိုးသားဘောလုံးအသင်းကို မြို့နယ်ရဲတပ်ဖွဲ့မှူး၊ ရဲမှူး သန်းကျော်ဌေးကလည်းကောင်း၊ နှစ်သိမ့်ဆုရရှိသော ဒုတိယနှစ်အသင်းနှင့် Phoenix(FC) အမျိုးသမီးဘောလုံး အသင်းကို ဘာသာစကားဌာန(အင်္ဂလိပ်စာ)ဌာနမှ ဒေါ်ဝင်းသိင်္ဂီမြင့်၊ တွဲဖက်ပါမောက္ခနှင့် တွက်ချက်ရေးမဟာ ဌာနမှ ဒေါ်ခိုင်ကြည်ဇာဆွေ၊ ကထိကတို့ကလည်းကောင်း၊ တတိယဆုရရှိသော Cyber(FC) အမျိုးသမီးဘောလုံး အသင်းကို ကွန်ပျူတာစနစ်နှင့်နည်းပညာမဟာဌာနမှ ပါမောက္ခ/ ဌာနမှူး ဒေါက်တာခင်ကြူကြူကလည်းကောင်း၊ ဒုတိယဆုရရှိသော Unique(FC) အမျိုးသမီးဘောလုံးအသင်းကို သုတသိပ္ပံမဟာဌာနမှ ပါမောက္ခ/ ဌာနမှူး ဒေါက်တာသဲသဲစိုးကလည်းကောင်း၊ ပထမဆုရရှိသော All Star(FC) အမျိုးသားဘောလုံးအသင်းနှင့် ပထမနှစ် အမျိုးသမီးဘောလုံးအသင်းတို့ကို ဒုတိယပါမောက္ခချုပ်၊ ဒေါက်တာထွန်းမြတ်အောင်က ဆုများကို အသီးသီး ချီးမြှင့်ခဲ့ပါသည်။ ၎င်းအပြင် ဂိုးသွင်းအများဆုံးဆုကို All Star(FC)မှ မောင်မြတ်မင်းခန့်နှင့် Unique(FC)မှ မနှင်းဝတ်ရည်၊ ဂိုးသမားအကောင်းဆုံးဆုကို Phoenix(FC)မှ မောင်ထက်အောင်ကျော်နှင့် ဒုတိယနှစ်အသင်းမှ မသင်းသင်းထိုက်၊ ပွဲစဉ်တစ်လျှောက် အကောင်းဆုံးအားကစားသမားဆုကို Unique(FC)မှ မောင်ပိုင်မျိုးဝေနှင့် ပထမနှစ်အသင်းမှ မအေးချမ်းမြေ့၊ နောက်တန်းအကောင်းဆုံးဆုကို All Star(FC)မှ မောင်သားထူး၊ အလယ်တန်း အကောင်းဆုံးဆုကို All Star(FC)မှ မောင်ကောင်းခန့်ကျော်၊ ရှေ့တန်းအကောင်းဆုံးဆုကို Unique(FC)မှ မောင်အောင်ချမ်းဘိုတို့အား တာဝန်ရှိသူများနှင့် Sponsor များက ဆုများအသီးသီးချီးမြှင့်ခဲ့ပါသည်။
