သူနာပြုသားဖွားဒီပလိုမာ (၃)နှစ်သင်တန်း ပထမနှစ်သင်တန်းသား၊သင်တန်းသူများ၏ICT အသုံးချသင်တန်းဆင်းပွဲ ကျင်းပခြင်း

          ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့နယ်ရှိ ကွန်ပျူတာတက္ကသိုလ်(ဟင်္သာတ)၌ ၂၀၂၂-၂၀၂၃ ပညာသင်နှစ် သူနာပြုသားဖွားဒီပလိုမာ (၃)နှစ်သင်တန်း ပထမနှစ်သင်တန်းသား၊သင်တန်းသူများ၏  ICT အသုံးချသင်တန်းဆင်းပွဲ အခမ်း အနားကို  ၂၈-၁၀-၂၀၂၂ရက်နေ့ နေ့လယ် (၁)နာရီက အဆိုပါကျောင်း ရွှေဝါထွန်းခန်းမ တွင် ကျင်းပပြုလုပ်ခဲ့ပါသည်။

         အခမ်းအနားတွင် ကွန်ပျူတာတက္ကသိုလ်(ဟင်္သာတ) ဒုတိယပါမောက္ခချုပ် ဒေါက်တာ ထွန်းမြတ်အောင်က အဖွင့်အမှာစကားပြောကြားခဲ့ပြီး  သူနာပြုသင်တန်းကျောင်း  ကျောင်းအုပ်ကြီး ဒေဝေဝေလွင်က  ကျေးဇူးတင်စကားပြောကြားခဲ့ကာ  ကွန်ပျူတာတက္ကသိုလ်ကျောင်းအုပ်ကြီးမှ  သူနာပြုသင်တန်းသူ/သင်တန်းသားများ အား ICTသင်တန်းဆင်းလက်မှတ်များ ပေးအပ်ချီးမြှင့်ခဲ့ပြီး သင်တန်းသားများကိုယ်စား သင်တန်းသားတစ်ဦးမှ ကျေးဇူး တင်စကားပြန်လည်ပြောကြားခဲ့ပါသည်။

         အဆိုပါသင်တန်းဆင်းပွဲသို့ ကွန်ပျူတာတက္ကသိုလ်(ဟင်္သာတ) ဒုတိယပါမောက္ခချုပ်နှင့် ဌာနမှူးများ၊ သူနာပြုသင်တန်းကျောင်းအုပ်ကြီးနှင့် ဆရာဆရာမများ၊ သင်တန်းနည်းပြ ဆရာ/ဆရာမများနှင့် သင်တန်းသူ/သင်တန်းသား (၇၅)ဦး တက်ရောက်ခဲ့ပါသည်။