ပြည်ထောင်စုသမ္မတမြန်မာနိုင်ငံတော်အစိုးရ
သိပ္ပံနှင့်နည်းပညာဝန်ကြီးဌာန
အဆင့်မြင့်သိပ္ပံနှင့်နည်းပညာဦးစီးဌာန
ကွန်ပျူတာတက္ကသိုလ်(ဟင်္သာတ)
ကွန်ပျူတာတက္ကသိုလ်(ဟင်္သာတ)၏ (၁၂)ကြိမ်မြောက်ဘွဲ့နှင်းသဘင်
လျှောက်လွှာခေယူခြင်း
၁။ ကွန်ပျူတာတက္ကသိုလ်(ဟင်္သာတ) ၏ ၂၀၁၉-၂၀၂၀ ပညာသင်နှစ်၊ ကွန်ပျူတာသိပ္ပံဘွဲ့ (B.C.Sc) သင်တန်း စာမေးပွဲ အောင်မြင်သူများအတွက် ကွန်ပျူတာတက္ကသိုလ်(ဟင်္သာတ) ၏ (၁၂)ကြိမ်မြောက်ဘွဲ့နှင်းသဘင် အခမ်းအနားကို ကွန်ပျူတာ တက္ကသိုလ်(ဟင်္သာတ)၊ ရွှေဝါထွန်းခန်းမတွင် ၂၉-၃-၂၀၂၂ ရက် (အင်္ဂါနေ့) အစမ်းလေ့ကျင့်ပွဲ နှင့် ၃၀-၃-၂၀၂၂ ရက် (ဗုဒ္ဓဟူးနေ့) တွင်ဘွဲ့နှင်းသဘင် ကျင်းပပြုလုပ်မည်ဖြစ်ပါသည်။
၂။ ဘွဲ့နှင်းသဘင်လျှောက်လွှာ လျှောက်ထားလိုသူများသည် ကွန်ပျူတာတက္ကသိုလ် (ဟင်္သာတ) တွင် သတ်မှတ်ထားသည့် လျှောက်လွှာပုံစံဖြင့် (၃)လအတွင်း ရိုက်ကူးထားသော (၁ ၁/၂"× ၂")အရွယ် ဓာတ်ပုံ(၃)ပုံပူးတွဲ၍ ဘွဲ့နှင်းသဘင်တက်ရောက်ရန် (သို့မဟုတ်) အဝေးရောက်ဘွဲ့ယူရန်ဟု ထင်ရှားစွာဖော်ပြလျက် ၂၀၂၂ ပြည့်နှစ် မတ် ၂၅ရက် နောက်ဆုံးထား၍ လျှောက်ထားနိုင် ပါသည်။
၃။ ဘွဲ့နှင်းသဘင်ကြေးမှာ တက်ရောက်ဘွဲ့ ၁၅၀၀ိ/-(ကျပ်တစ်ထောင့်ငါးရာကျပ် တိတိ)၊ အဝေးရောက်ဘွဲ့ ၁၀၀၀ိ/- (ကျပ် တစ်ထောင်တိတိ) ကို ကွန်ပျူတာတက္ကသိုလ်(ဟင်္သာတ) ၏ ငွေစာရင်းဌာနတွင်ပေးသွင်းရမည်။
၄။ ယခင်နှစ်များက ဘွဲ့ရစာမေးပွဲအောင်မြင်သူများသည် အဝေးရောက်ဘွဲ့အတွက်သာ လျှောက်ထားနိုင်သည်။
၅။ တက်ရောက်ဘွဲ့လျှောက်ထားပြီး ဘွဲ့နှင်းသဘင်အခမ်းအနားသို့ တက်ရောက်ရန် ပျက်ကွက်သူများ၏ ဘွဲ့လက်မှတ်များ ကိုအဝေးရောက်ဘွဲ့လက်မှတ်များ ထုတ်ပေးသည့်အချိန်မှသာ ထုတ်ပေးမည်ဖြစ်ပါသည်။
၆။ ဘွဲ့နှင်းသဘင်ကျင်းပသည့် အသေးစိတ်အစီအစဥ်ကို ကွန်ပျူတာတက္ကသိုလ်(ဟင်္သာတ) ကျောင်းသားရေးရာဌာနသို့ လူ ကိုယ်တိုင်ဖြစ်စေ၊ ဖုန်း ၀၉-၇၈၃၅၄၃၉၀၃ သို့ဖြစ်စေ ဆက်သွယ်စုံစမ်းနိုင်ပါသည်။
ဘွဲ့နှင်းသဘင်ကျင်းပရေးကော်မတီ ကွန်ပျူတာတက္ကသိုလ်(ဟင်္သာတ)
