ဧရာဝတီတိုင်းဒေသကြီး ၊ ဟင်္သာတခရိုင်၊ ဟင်္သာတမြို့နယ် ရှိ ကွန်ပျူတာတက္ကသိုလ် (ဟင်္သာတ) ကျောင်းတွင် ၂၀၂၂-၂၀၂၃ ပညာသင်နှစ် ဘွဲ့ကြိုကျောင်းသား/ကျောင်းသူများ၏ Internship Project ပြပွဲအခမ်းအနားကို ဧပြီလ (၃) ရက်နေ့ မနက် ၁၁နာရီအချိန်တွင် အဆိုပါကျောင်း ရွှေဝါထွန်းခန်းမ၌ ကျင်းပပြုလုပ်ခဲ့ပါသည်။
အခမ်းအနားတွင် ဟင်္သာတခရိုင်စီမံအုပ်ချုပ်ရေးကောင်စီဥက္ကဌ ဦးမြင့်သန်းဝင်း ကတက်ရောက်အဖွင့် အမှာစကား ပြောကြား ပြီးနောက် ဆုရရှိခဲ့ကြသော ကျောင်းသား/ကျောင်း သူများအား ဂုဏ်ပြုဆုများ ပေးအပ် ချီးမြှင့်ခဲ့ပါသည်။ ထို့နောက် ဆုရကျောင်းသား/ကျောင်းသူများမှ ဆုရ Project များကို လက်တွေ့ခင်းကျင်းသရုပ်ပြသခဲ့ကြပါသည်။ ခရိုင်စီမံအုပ်ချုပ်ရေးကောင်စီဥက္ကဌနှင့် တာဝန်ရှိသူများ၊ ဖိတ်ကြားထားသော ဌာနဆိုင်ရာတာဝန်ရှိသူများက ကျောင်းသား/ကျောင်းသူ များ၏ Internship Project များကို လှည့်လည်ကြည့်ရှုခဲ့ကြရာ ကွန်ပျူတာတက္ကသိုလ်(ဟင်္သာတ)မှကျောင်းအုပ်ကြီးဒေါက်တာထွန်းမြတ်အောင်နှင့် Project တာဝန်ခံ များက သိရှိလိုသည်များကို အသေးစိတ်ပြန်လည်ရှင်းလင်းပြသခဲ့ကြပါသည်။
