ကွန်ပျူတာတက္ကသိုလ်(ဟင်္သာတ)တွင် ၂၀၂၂-၂၀၂၃ ပညာသင်နှစ်၊ ပထမနှစ် (ပထမနှစ်ဝက်)သင်တန်းသို့ စတင်တက်ရောက်ကြမည့်ကျောင်းသား/ကျောင်းသူများအား မောင်မယ်သစ်လွင်နေ့အခမ်းအနားကို (၂၁-၁၁-၂၀၂၂) ရက်နေ့နံနက်ပိုင်းက ကွန်ပျူတာတက္ကသိုလ်(ဟင်္သာတ)ရှိ ရွှေဝါထွန်းခန်းမ၌ ကျင်းပခဲ့ပါသည်။
အခမ်းအနားတွင် ကွန်ပျူတာတက္ကသိုလ်(ဟင်္သာတ) ဒုတိယပါမောက္ခချုပ် ဒေါက်တာထွန်းမြတ်အောင် က ကြိုဆိုနှုတ်ခွန်း ဆက်စကားပြောကြားခဲ့ပါသည်။ ဆက်လက်၍ ဘာသာရပ်အသီးသီးမှ ပါမောက္ခဌာနမှူးများက မိမိတို့ဘာသာရပ်အလိုက် မိတ်ဆက်စကားပြောကြားကြပြီး ဘာသာရပ်အလိုက် ဆရာ/ဆရာမများနှင့် မိတ်ဆက်ပေးခဲ့ကြပါသည်။
ကွန်ပျူတာတက္ကသိုလ်(ဟင်္သာတ)တွင် ၂၀၂၂ခုနှစ်၊ တက္ကသိုလ်ဝင်စာမေးပွဲအောင်မြင်၍ ကွန်ပျူတာတက္ကသိုလ်သို့ စတင်တက်ရောက်ကြမည့် ကျောင်းသား/ကျောင်းသူများအတွက် ပထမနှစ်(ပထမနှစ်ဝက်) သင်တန်းကို (၂၁-၁၁-၂၀၂၂)ရက်နေ့ နံနက်ပိုင်းမှ စတင်ဖွင့်လှစ်သင်ကြားပေးလျက်ရှိပါသည်။
