ဧရာဝတီတိုင်းဒေသကြီး ၊ ဟင်္သာတခရိုင် ၊ဟင်္သာတမြို့ ရှိ ကွန်ပျူတာတက္ကသိုလ် (ဟင်္သာတ) ကျောင်း၏ ၂၀၂၂- ၂၀၂၃ ပညာသင်နှစ် မိုးရာသီအမျိုးသားဘောလုံးပြိုင်ပွဲ ဖွင့်ပွဲအခမ်းအနားကို ဇွန်လ ၂၂ရက်နေ့ မွန်းလွဲ ၂ နာရီက မြို့နယ် ပြည်သူ့အား ကစားကွင်း ၌ ကျင်းပခဲ့သည်။ အခမ်းအနားတွင် ပြိုင်ပွဲဝင်အသင်းများကကွင်းအတွင်း နေရာယူကြပြီး ကွန်ပျူတာတက္ကသိုလ် ကျောင်းအုပ်ကြီး ဒုတိယ ပါမောက္ခချုပ် ဒေါက်တာ ထွန်းမြတ်အောင်က အဖွင့်အမှာစကား ပြော ကြားကာ ပြိုင်ပွဲအား ဖွင့်လှစ် ပေးခဲ့ပြီးနောက် စစ်ကြောင်းမှူး ဦးဆောင်၍ အားကစားသမားများက အားကစားသစ္စာ အဓိဋ္ဌာန်ရွတ်ဆိုခြင်း ၊အလေးပြုခြင်း များ ဆောင်ရွက်ကာ စစ်ကြောင်းပုံဖြင့် ပြန်လည်ထွက်ခွာခဲ့ကြသည်။ ကွန်ပျူတာတက္ကသိုလ် (ဟင်္သာတ) ၂၀၂၂-၂၀၂၃ ပညာသင် နှစ် မိုးရာသီဘောလုံးအားကစားပြိုင်ပွဲကို ပြိုင်ပွဲဝင် အားကစားအသင်း ၄ သင်းတို့က ဝင်ရောက်ယှဥ်ပြိုင်ကြပြီး ကျောင်းလက် ရွေးစဥ် အသင်းအတွက် အသင်းသားများကို စီစစ်ရွေးချယ် သွားမည်ဖြစ်ကာ ဗိုလ်လုပွဲအပြီးတွင် ဆုများကို ဆက်လက်ချီးမြှင့် ပေးသွားမည်ဖြစ်ကြောင်း သိရသည်။
