Category: Uncategorized

ကွန်ပျူတာတက္ကသိုလ်(ဟင်္သာတ)၊ ဘွဲ့နှင်းသဘင်ခန်းမ၌ ၂၀၂၅-၂၀၂၆ ခုနှစ်၊ ကျောင်းသား၊ ကျောင်းသူ များ၏ အာစရိယပူဇော်ပွဲအခမ်းအနားကို (၁၄.၉.၂၀၂၆) ရက်၊ တနင်္လာနေ့၊ နံနက်(၁၀း၀၀)နာရီအချိန်တွင် ကျင်းပဆောင်ရွက်ရာ ဒုတိယပါမောက္ခချုပ်၊ ဒေါက်တာထွန်းမြတ်အောင်နှင့် ပါမောက္ခ/ ဌာနမှူးများ၊ ဆရာ၊ ဆရာမများ၊ သင်တန်းနှစ်အသီးသီးမှ ကျောင်းသား၊ ကျောင်းသူများ တက်ရောက်ကြပါသည်။အခမ်းအနားတွင် ရှေးဦးစွာကျောင်းသူတစ်ဦးက မြတ်ဆရာသီချင်းဖြင့်သီဆို၍လည်းကောင်း၊ ဗုဒ္ဓပူဇနိယ သီချင်းဖြင့် ကျောင်းသား၊ ကျောင်းသူများက ဆီမီးထွန်းညှိပူဇော်အကဖြင့်လည်းကောင်း၊ ဧည့်ခံဖျော်ဖြေခဲ့ပါ သည်။ ယင်းနောက် ကျောင်းသား၊ ကျောင်းသူများကိုယ်စား တစ်ဦးကဦးဆောင်၍ ဆရာ/ဆရာမများအား ကန်တော့ချိုးဖြင့် ပူဇော်ကန်တော့ခြင်းတို့ဆောင်ရွက်ခဲ့ကြသည်။ ဆက်လက်၍ ဆရာ/ဆရာများအား ကန်တော့ ပစ္စည်းများဖြင့် ပေးအပ်ကန်တော့ခဲ့ကြသည်။ ထို့နောက် ဒုတိယပါမောက္ခချုပ်၊ ဒေါက်တာထွန်းမြတ်အောင်နှင့် ဌာနမှူး/ ပါမောက္ခများက ဆုံးမဆုတောင်းစကားများမြွက်ကြားပြီးနောက်၊ ကျောင်းသား၊ကျောင်းသူလေးများက ၎င်းတို့၏ Senior နောက်ဆုံးနှစ် ကျောင်းသား၊…

ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့၊ တာငါးဆယ်တောင်ရပ်ကွက်၊ ကရင်ကျောင်းလမ်းရှိ၊ ကွန်ပျူတာတက္ကသိုလ်(ဟင်္သာတ)၊ ဘွဲ့နှင်းသဘင်ခန်းမ၌ ၂၀၂၆ ခုနှစ်၊ စက်တင်ဘာလ ၁၁ ရက်၊ နံနက်ပိုင်းနှင့် မွန်းလွဲပိုင်းတို့တွင် ICT Project ပြိုင်ပွဲ၊ ပြပွဲနှင့် စာတမ်းဖတ်ပွဲ အခမ်းအနား ပြုလုပ်သည်။အခမ်းအနားသို့ ကွန်ပျူတာတက္ကသိုလ်(ဟင်္သာတ)မှ ဒုတိယပါမောက္ခချုပ်၊ ဒေါက်တာထွန်းမြတ်အောင်နှင့် ပါမောက္ခ/ ဌာနမှူး၊ ဆရာ၊ ဆရာမများ၊ ကျောင်းသား၊ ကျောင်းသူများ၊ ဟင်္သာတမြို့၊ ဓမ္မဗိမာန်‌ကျောင်းတိုက် ဆရာတော် အရှင်ဉာဏာလင်္ကာရနှင့် ဖိတ်ကြားထားသည့်ဧည့်သည်တော်များ၊ ဌာနဆိုင်ရာအကြီးအကဲများနှင့် တာဝန်ရှိသူများ တက်ရောက်ခဲ့ကြပါသည်။အခမ်းအနား၌ ဒုတိယပါမောက္ခချုပ်၊ ဒေါက်တာထွန်းမြတ်အောင်က အဖွင့်အမှာစကားပြောကြားရာတွင် ICT Project ပြိုင်ပွဲ၊ ပြပွဲနှင့် စာတမ်းဖတ်ပွဲ အခမ်းအနားကျင်းပရခြင်းမှာ ကျောင်းသား၊ ကျောင်းသူများ၏ နည်းပညာဆိုင်ရာ တီထွင်ဖန်တီးနိုင်မှုစွမ်းအားကို မြှင့်တင်ပေးရန်၊ လက်တွေ့အသုံးချ သုတေသနလုပ်ငန်းများကို စိတ်ပါဝင်စားလာစေရန်နှင့်…

         ကွန်ပျူတာတက္ကသိုလ်(ဟင်္သာတ)တွင် ၂၀၂၅-၂၀၂၆ ပညာသင်နှစ်၌ ပညာသင်ကြားနေသော နောက်ဆုံးနှစ် ကျောင်းသား၊ ကျောင်းသူများက လုပ်ငန်းခွင် Internship သွားရောက်ပြီး၊ ရရှိလာသော လုပ်ငန်းခွင်အတွေ့အကြုံ များအပေါ်မှာအခြေခံ၍ ပြုလုပ်ထားသော Project များအားပိုမို၍အရည် အသွေးကောင်းမွန်သော၊ စံချိန်စံညွှန်းနှင့် ကိုက်ညီသော၊ လက်တွေ့အသုံးဝင်သော၊ ဒေသအကျိုးပြု၊ နိုင်ငံ့အကျိုးပြု၊ e-Government အထောက်အကူပြု၊ MSME အ‌ထောက်အကူပြု Project ကောင်းများပေါ်ထွန်းလာရန် ရည်ရွယ်ချက်ဖြင့် ဒုတိယပါမောက္ခချုပ်၊ ဒေါက်တာ ထွန်းမြတ်အောင်ကဦးဆောင်၍ တက္ကသိုလ်ပညာရေးအဖွဲ့များဖြင့် နောက်ဆုံးနှစ် ကျောင်းသား၊ ကျောင်းသူများ ပြုလုပ်ထားသော Project များကို (၅.၈.၂၀၂၆) ရက်နေ့မှ (၂၇.၈.၂၀၂၆) ရက်နေ့အထိ နေ့စဉ်နံနက်(၉း၀၀)နာရီမှ ညနေ(၅း၀၀)နာရီအထိ Project စုစုပေါင်း(၃၉)ခုကိုပြီးမြောက်အောင် အလုပ်ရုံဆွေးနွေးပွဲ ပြုလုပ်ခဲ့ပါသည်။ Please follow and like us:

ကွန်ပျူတာတက္ကသိုလ်(ဟင်္သာတ)၊ ဘွဲ့နှင်းသဘင်ခမ်းမတွင် (၆.၈.၂၀၂၆) ရက်နေ့၊နံနက်(၁၀း၀၀)နာရီ အချိန်၌ တက္ကသိုလ်တွင်တက်ရောက်ပညာသင်ကြားနေသော လေးမျက်နှာမြို့နယ်၊ ရေ‌ဘေးသင့်ကျောင်းသား၊ ကျောင်းသူများအား ထောက်ပံ့ကြေးများကို ဒုတိယပါမောက္ခချုပ်၊ ဒေါက်တာထွန်းမြတ်အောင်နှင့် ဌာနမှူးဆရာ၊ ဆရာများကပေးအပ်ခဲ့ပါသည်။ အဆိုပါ အခမ်းအနားတွင် လေးမျက်နှာမြို့နယ်မှ ရေဘေးသင့်ကျောင်းသား၊ ကျောင်းသူ(၁၄)ဦးတို့အား တစ်ဦးလျှင် ကျပ်တစ်သိန်းနှုန်း ထောက်ပံ့ပေးအပ်ခဲ့ပါသည်။ ၎င်းအပြင် (၇.၈.၂၀၂၆)ရက် နေ့၊ နံနက်(၈း၀၀)နာရီအချိန်တွင် ဒုတိယပါမောက္ခချုပ်၊ ဒေါက်တာထွန်းမြတ်အောင်မှ ဦး‌ဆောင်၍ ကျောင်းသား၊ ကျောင်းသူများသည် လေးမျက်နှာမြို့နယ်၊ ညောင်ပင်ဝဲကျေးရွာသို့ သွား‌ရောက်၍ ရေဘေးသင့်  ပြည်သူများအား အိမ်ထောင်စုတစ်စုလျှင် (၄၅၅၀၀)ကျပ်ဖြင့် လူသုံးကုန်ပစ္စည်းများ၊ စားသောက်ကုန်ပစ္စည်းများနှင့် ဆေးဝါးများကို အိမ်ထောင်စု(၁၀၀)အတွက် လေးမျက်နှာမြို့နယ် အုပ်ချုပ်ရေးမှူးမှတစ်ဆင့် ‌ညောင်ပင်ဝဲကျေးရွာ ဘုန်းကြီး ကျောင်းသို့ ဆက်သွယ်သွားရောက်ပြီး၊ ရေဘေးသင့်ပြည်သူများ‌ရှေ့မှောက်မှကျေးရွာအုပ်ချုပ်ရေးမှူးထံသို့ ပေးအပ် ခဲ့ရာ ရေဘေးသင့်ပြည်သူများကလည်း သာဓုအနုမောဒနာ ခေါ်ဆိုကြပါသည်။ ထို့အပြင်…

ကွန်ပျူတာတက္ကသိုလ်(ဟင်္သာတ)၊ မိုးရာသီအမျိုးသားဘောလုံးပြိုင်ပွဲနှင့် အမျိုးသမီးဖူဆယ်ဘောလုံး ပြိုင်ပွဲကို (၂၇.၇.၂၀၂၆)ရက်နေ့တွင် ဟင်္သာတမြို့၊ မြို့နယ်ပြည်သူ့အားကစားကွင်း၌ ဖွင့်ပွဲအခမ်းအနားကို ကျင်းပ ရာအမျိုးသားဘောလုံးအသင်း(၅)သင်းနှင့် အမျိုးသမီးဘောလုံးအသင်း(၅)သင်းတို့က ပါမောက္ခ/ ဌာနမှူးများနှင့် ဆရာ၊ ဆရာမများအားချီတက်အလေးပြုကြပြီး ပါဝင်ယှဉ်ပြိုင်ကြမည့် ဘောလုံးအသင်းများအား ကျောင်းသား၊ ကျောင်းသူလေးများက ပန်းစည်းဆက်သကြပါသည်။(၃.၈.၂၀၂၆)ရက်၊ တနင်္လာနေ့၊ ညနေ(၃း၀၀)အချိန်တွင် ဟင်္သာတမြို့၊ မြို့နယ်ပြည်သူ့အားကစားကွင်း၌ ဆုပေးပွဲအခမ်းအနားကိုကျင်းပပြုလုပ်ရာ ဒုတိယပါမောက္ခချုပ်၊ ဒေါက်တာထွန်းမြတ်အောင်က ကျေးဇူးတင် အမှာစကားပြောကြားပြီး  ဆုရအသင်းများအား ဆုချီးမြှင့်ရာတွင် နှစ်သိမ့်ဆုရရှိသော Phoenix(FC)နှင့် Unique(FC)  အမျိုးသမီးဖူဆယ် ဘောလုံးအသင်းကို ဘာသာစကားဌာန(အင်္ဂလိပ်စာ)ဌာနမှ ဒေါ်ဝင်းသိင်္ဂီမြင့်၊ တွဲဖက်ပါမောက္ခနှင့် တွက်ချက်ရေးမဟာဌာနမှ ဒေါ်ခိုင်ကြည်ဇာဆွေ၊ ကထိက တို့ကလည်းကောင်း၊  တတိယဆု ရရှိသော Cyber(FC) အမျိုးသမီးဖူဆယ်ဘောလုံးအသင်းကို ကွန်ပျူတာစနစ်နှင့်နည်းပညာ မဟာဌာနမှ ပါမောက္ခ / ဌာနမှူး ဒေါက်တာခင်ကြူကြူ ကလည်းကောင်း၊ ဒုတိယဆုရရှိသော…

(၂.၈.၂၀၂၆)ရက်၊ တနင်္ဂနွေနေ့၊ နံနက်(၁၀း၀၀)နာရီအချိန်တွင် ကွန်ပျူတာတက္ကသိုလ်(ဟင်္သာတ)၊ ဘွဲ့နှင်း သဘင်ခန်းမ၌ စုပေါင်းဝါဆိုသင်္ကန်းကပ်လှူပွဲကို ကျင်းပရာ မန္တလေးကျောင်းတိုက် ကျောင်းထိုင်ဆရာတော်ကြီးမှူး ၍ သံဃာတော်အရှင်သူမြတ်(၅)ပါးတို့အား ပင့်ဆောင်၍ ဒုတိယပါမောက္ခချုပ်၊ ဒေါက်တာ ထွန်းမြတ်အောင်နှင့် ဆရာ၊ ဆရာမများ၊ ဝန်ထမ်းများ၊ ကျောင်းသား၊ ကျောင်းသူများက ဝါဆိုသင်္ကန်း၊ ထီး၊ ဖိနပ်၊ ဆွမ်းဆန်စိမ်း၊ ဆီ၊ ဝတ္ထုငွေအစုစုအား ဆက်ကပ်လှူဒါန်းပူဇော်ကန်တော့ပြီး ပရိတ်တရားတော်နာကြား၍ ရေစက်ချအမျှပေးဝေကာ သံဃာတော်အရှင်သူမြတ်တို့အား ဆွမ်းတော်နှင့် အချိုပွဲများ ဆက်ကပ်လှူဒါန်းခဲ့ကြပါသည်။ အလှူမင်္ဂလာပွဲသို့ ကြွရောက်လာသော ဝန်ထမ်း၊ ဆရာ၊ ဆရာမများနှင့် ကျောင်းသား၊ ကျောင်းသူတို့အား ထမင်း၊ ဟင်း၊ အချိုပွဲများနှင့် တည်ခင်းဧည့်ခံ‌ကျွေးမွေးခဲ့ပါသည်။ Please follow and like us:

(၁၄.၇.၂၀၂၆)ရက်၊ အင်္ဂါနေ့၊ နေ့လယ်(၂း၃၀)အချိန်တွင် ကွန်ပျူတာတက္ကသိုလ်(ဟင်္သာတ)၊ ဘွဲ့နှင်း သဘင်ခန်းမ၌ မြန်မာအမျိုးသမီးများနေ့အထိမ်းအမှတ် သနပ်ခါးလိမ်းခြယ်မှုပြိုင်ပွဲကျင်းပပြုလုပ်ရာ ဘာသာ စကား(အင်္ဂလိပ်စာ)ဌာနမှ တွဲဖက်ပါမောက္ခ၊ ဆရာမဒေါ်ဝင်းသိင်္ဂီမြင့်က မြန်မာ့ရိုးရာသနပ်ခါးအကြောင်း သိကောင်းစရာများဖြစ်သည့် မြန်မာ့သနပ်ခါးသမိုင်းအကြောင်း၊ သနပ်ခါးပင်အကြောင်း၊ သနပ်ခါးလိမ်းခြယ်မှု နှင့်မြန်မာ့ယဉ်ကျေးမှုဓလေ့အကြောင်း၊ သနပ်ခါးပင်၏အသုံးဝင်ပုံအကြောင်း စသည်တို့ကိုဟောပြောခဲ့ပြီး၊ သနပ်ခါးလိမ်းခြယ်မှုပြိုင်ပွဲအား ကျင်းပဆောင်ရွက်ခဲ့ပါသည်။ အဆိုပါအခမ်းအနားသို့ ဆရာ၊ ဆရာမ၊ ကျောင်းသား၊ ကျောင်းသူ၊ စုစုပေါင်း(၂၅၀)ဦး တက်ရောက်ခဲ့ပြီး၊ သနပ်ခါးလိမ်းခြယ်မှုပြိုင်ပွဲကို ကျောင်းသား၊ ကျောင်းသူများနှင့် ဆရာ၊ ဆရာမ စုစုပေါင်း(၃၀)ဦး ပါဝင်ယှဉ်ပြိုင်ခဲ့ပါသည်။ ဆုရရှိသူများအား တာဝန်ရှိသူ အသီးသီးက ဆုများကို ပေးအပ်ချီးမြှင့်ခဲ့ပါသည်။ အခမ်းအနားကို ညနေ(၄း၀၀)နာရီအချိန်တွင် ရုတ်သိမ်းခဲ့ပါ သည်။ Please follow and like us:

ကွန်ပျူတာတက္ကသိုလ်(ဟင်္သာတ)၊ ၂၀၂၅-၂၀၂၆ ပညာသင်နှစ်တွင် ကျောင်းသား၊ ကျောင်းသူများအား ဗလငါးတန်ဖွံ့‌ဖြိုးစေရန်ရည်ရွယ်ချက်ဖြင့် ကျန်းမာရေးအသိပညာပေးဟောပြောကို (၃.၇.၂၀၂၆) ရက်၊ သောကြာ နေ့၊ နံနက်(၁၀း၀၀)နာရီအချိန်တွင်  တက္ကသိုလ်၏ဘွဲ့နှင်းသဘင်ခန်းမ၌ ဆောင်ရွက်ရာ ကျောင်းသား၊ ကျောင်းသူ၊ ဆရာ၊ ဆရာမ၊ ဝန်ထမ်းအင်အား(၂၅၀)ခန့်နှင့် ခရိုင်ပြည်သူ့ကျန်းမာရေးဦးစီးဌာန၊ မြို့နယ်ပြည်သူ့ကျန်းမာရေး ဦးစီးဌာနတို့မှ ခရိုင်ဦးစီးမှူး၊ ဒေါက်တာနေခြည်ထက်ထက်လင်းအောင်နှင့်အတူ ပြည်သူ့ကျန်းမာရေးဝန်ထမ်း (၄)ဦး တက်ရောက်ကြပါသည်။အဆိုပါအခမ်းအနားတွင် ခရိုင်ပြည်သူ့ကျန်းမာရေးဦးစီးဌာန၊ ခရိုင်ပြည်သူ့ကျန်းမာရေးဦးစီးဌာနမှူး၊ ဒေါက်တာနေခြည်ထက်ထက်လင်းအောင်က “ကူးစက်ရောဂါအကြောင်း သိကောင်းစရာများ” ခေါင်းစဉ်ဖြင့် လည်းကောင်း၊ မြို့နယ်ပြည်သူ့ကျန်းမာရေးဦးစီးဌာန၊ ဦးစီးအရာရှိ၊ ဒေါ်မေသန္တာက “ဆေးလိပ်နှင့် ဆေးရွက်ကြီး အန္တရာယ်အကြောင်း သိကောင်းစရာများ” ခေါင်းစဉ်ဖြင့်လည်းကောင်း၊  မြို့နယ်ပြည်သူ့ကျန်းမာရေးဦးစီးဌာန၊ ပြည်သူ့ကျန်းမာရေးဆရာမကြီး ဒေါ်လင်းလင်းမြတ်က “ကျန်းမာရေးနှင့်ညီညွတ်သော အစားအသောက်များ” ခေါင်းစဉ်ဖြင့်လည်းကောင်း ကျန်းမာရေးသိကောင်းစရာများကို PowerPoint Slide များဖြင့် အသေးစိတ် ပြည့်ပြည့်စုံစုံရှင်းလင်းဟောပြောပြီး၊ အသိပညာပေးလက်ကမ်းစာစောင်များ…

       (၂၃.၆.၂၀၂၆) ရက်၊ အင်္ဂါနေ့၊ နံနက်(၁၀း၀၀)နာရီအချိန်တွင် ကွန်ပျူတာတက္ကသိုလ်(ဟင်္သာတ)၊ ဘွဲ့နှင်း သဘင်ခန်းမ၌ International Girls in ICT Day အထိမ်းအမှတ် Project ပြိုင်ပွဲကျင်းပပြုလုပ်ရာ ဒုတိယ ပါမောက္ခချုပ်၊ ဒေါက်တာထွန်းမြတ်အောင်က အမှာစကားပြောကြားရာတွင် ၂၀၂၆ ခုနှစ်၊ နိုင်ငံတကာမိန်းကလေး များနေ့အထိမ်းအမှတ်အဖြစ် ပြိုင်ပွဲပြုလုပ်ရခြင်းမှာ မြန်မာနိုင်ငံသာမက နိုင်ငံတကာတွင် ပြုလုပ်လျှက်ရှိကြပြီး၊ ICT ကဏ္ဍတွင် မိန်းကလေးများ၏စွမ်းဆောင်ရည် ပိုမိုမြှင့်တင်နိုင်‌ရေးအတွက်ရည်ရွယ်၍ ယခုအခမ်းအနား ပြုလုပ်ရခြင်းဖြစ်ကြောင်းပြောကြားပြီးနောက်၊ ပြိုင်ပွဲဝင်မိန်းကလေးအသင်း(၃)သင်းက ၎င်းတို့ပြုလုပ်ထားသော Project များကို ရှင်းလင်းပြောကြား၍ ပထမဆုရရှိသူ Semester IV ကွန်ပျူတာသိပ္ပံသင်တန်းမှ မထက်ဝေနှင်းကို ဒုတိယပါမောက္ခချုပ်၊ ဒေါက်တာထွန်းမြတ်အောင်ကလည်းကောင်း၊ ဒုတိယဆုရရှိသူ Semester IV ကွန်ပျူတာ သိပ္ပံသင်တန်းမှ မဆူးပိုင်ခင်၊ မနှင်းသဇင်မြင့်၊ မအေးမြတ်မြတ်သူတို့ကို ကွန်ပျူတာစနစ်နှင့်နည်းပညာမဟာဌာနမှ…

(၁၈.၆.၂၀၂၆)ရက်၊ ကြာသပတေးနေ့၊ မွန်းလွဲ(၂း၀၀)နာရီအချိန်တွင် ကွန်ပျူတာတက္ကသိုလ် (ဟင်္သာတ)၊ ဘွဲ့နှင်းသဘင်ခန်းမ၌ စားသုံးသူကာကွယ်ရေးအသိပညာပေးဟောပြောပွဲကျင်းပပြုလုပ်ရာ ဒုတိယ ပါမောက္ခချုပ်၊ ဒေါက်တာထွန်းမြတ်အောင်က အဖွင့်အမှာစကားပြောကြားခဲ့ပါသည်။ ယင်းနောက် စားသုံးသူ ရေးရာဦးစီးဌာနက ခရိုင်ဦးစီးမှူး၊ ဦးဇော်မင်းက စားသုံးသူကာကွယ်ရေးအကြောင်းသိကောင်းစရာများကို ရှင်းလင်းပြောကြားခဲ့ပြီး၊ ဒုခရိုင်ဦးစီးမှူး၊ ဦးမောင်မောင်မြတ်ခိုင်က စားသုံးသူများအနေဖြင့် ကျေနပ်မှုမရှိပါက တိုင်ကြားနိုင်သည့် Hotline No ကိုခေါ်ဆိုပြီး လက်တွေ့သရုပ်ပြဆောင်ရွက်ခဲ့ပါသည်။ အခမ်းအနားသို့ ဟင်္သာတခရိုင်နှင့် မြို့နယ်စားသုံးသူရေးရာဦးစီးဌာနမှ တာဝန်ရှိပုဂ္ဂိုလ်(၅)ဦး၊ ကွန်ပျူတာတက္ကသိုလ် (ဟင်္သာတ)မှ ဒုတိယပါမောက္ခချုပ်၊ ဆရာ၊ ဆရာမများ၊ ဝန်ထမ်းများနှင့် ကျောင်းသား၊ ကျောင်းသူများ စုစုပေါင်းအင်အား(၂၅၀)ခန့် တက်ရောက်ကြပါသည်။ အခမ်းအနားကို ညနေ(၃း၃၀)အချိန်တွင် ရုတ်သိမ်းခဲ့ ပါသည်။ Please follow and like us: