(၁၄.၇.၂၀၂၆)ရက်၊ အင်္ဂါနေ့၊ နေ့လယ်(၂း၃၀)အချိန်တွင် ကွန်ပျူတာတက္ကသိုလ်(ဟင်္သာတ)၊ ဘွဲ့နှင်း သဘင်ခန်းမ၌ မြန်မာအမျိုးသမီးများနေ့အထိမ်းအမှတ် သနပ်ခါးလိမ်းခြယ်မှုပြိုင်ပွဲကျင်းပပြုလုပ်ရာ ဘာသာ စကား(အင်္ဂလိပ်စာ)ဌာနမှ တွဲဖက်ပါမောက္ခ၊ ဆရာမဒေါ်ဝင်းသိင်္ဂီမြင့်က မြန်မာ့ရိုးရာသနပ်ခါးအကြောင်း သိကောင်းစရာများဖြစ်သည့် မြန်မာ့သနပ်ခါးသမိုင်းအကြောင်း၊ သနပ်ခါးပင်အကြောင်း၊ သနပ်ခါးလိမ်းခြယ်မှု နှင့်မြန်မာ့ယဉ်ကျေးမှုဓလေ့အကြောင်း၊ သနပ်ခါးပင်၏အသုံးဝင်ပုံအကြောင်း စသည်တို့ကိုဟောပြောခဲ့ပြီး၊ သနပ်ခါးလိမ်းခြယ်မှုပြိုင်ပွဲအား ကျင်းပဆောင်ရွက်ခဲ့ပါသည်။ အဆိုပါအခမ်းအနားသို့ ဆရာ၊ ဆရာမ၊ ကျောင်းသား၊ ကျောင်းသူ၊ စုစုပေါင်း(၂၅၀)ဦး တက်ရောက်ခဲ့ပြီး၊ သနပ်ခါးလိမ်းခြယ်မှုပြိုင်ပွဲကို ကျောင်းသား၊ ကျောင်းသူများနှင့် ဆရာ၊ ဆရာမ စုစုပေါင်း(၃၀)ဦး ပါဝင်ယှဉ်ပြိုင်ခဲ့ပါသည်။ ဆုရရှိသူများအား တာဝန်ရှိသူ အသီးသီးက ဆုများကို ပေးအပ်ချီးမြှင့်ခဲ့ပါသည်။ အခမ်းအနားကို ညနေ(၄း၀၀)နာရီအချိန်တွင် ရုတ်သိမ်းခဲ့ပါ သည်။ Please follow and like us:
