ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့ရှိ ကွန်ပျူတာတက္ကသိုလ်(ဟင်္သာတ)၊ ဘွဲ့နှင်းသဘင် ခန်းမ၌၊ ICT Project ပြပွဲ၊ ပြိုင်ပွဲနှင့် Job Fair ကို စက်တင်ဘာလ ၁၂ ရက်နေ့၊ နံနက် (၁၀း၀၀) နာရီတွင် အဆိုပါ နေရာ၌ပြုလုပ်ခဲ့ပါသည်။
အခမ်းအနားတွင် ကွန်ပျူတာတက္ကသိုလ်(ဟင်္သာတ)၊ ဒုတိယပါမောက္ခချုပ်၊ ဒေါက်တာထွန်းမြတ်အောင်က ICT ပြပွဲ၊ ပြိုင်ပွဲ ပြုလုပ်ရခြင်း၏ ရည်ရွယ်ချက်နှင့် ကျေးဇူးတင်အမှာစကားကို ပြောကြားခဲ့ပါသည်။
ထို့နောက် ဆုရကျောင်းသား၊ကျောင်းသူများက ၎င်းတို့ပြုလုပ်ထားသော Project များကို သရုပ်ပြရှင်းလင်း ခြင်းများဆောင်ရွက်ခဲ့ပါသည်။ ဆက်လက်၍ ဒုတိယခရိုင်စီမံအုပ်ချုပ်ရေးမှူးဦးသူရိန်က B.C.Tech ဘွဲ့ကြို Internship Project ပြိုင်ပွဲမှ ဆုရရှိသူတို့အားလည်းကောင်း၊ အဖွဲ့ဝင်(၂) ဦးအောင်မြင့်ဦးက B.C.Sc ဘွဲ့ကြို Internship Project ပြိုင်ပွဲမှ ဆုရရှိသူတို့အားလည်းကောင်း၊ စီးပွားရေးလုပ်ငန်းရှင်တစ်ဦးမှ B.C.Tech ဘွဲ့ကြို Project ပြိုင်ပွဲမှ ဆုရရှိသူတို့အားလည်းကောင်း၊ ဒုတိယပါမောက္ခချုပ် ဒေါက်တာထွန်းမြတ်အောင်မှ B.C.Tech, B.C.Sc ဘွဲ့ကြို Internship Project ပြိုင်ပွဲမှ ဆုရရှိသူတို့အားလည်းကောင်း ဆုများကို အသီးသီးချီးမြှင့်ခဲ့ပါသည်။
အခမ်းအနားသို့ ခရိုင်စီမံအုပ်ချုပ်ရေးအဖွဲ့ဝင်များ၊ ခရိုင်အဆင့်ဌာနဆိုင်ရာအကြီးအကဲများ၊ Global Earth Company မှ တာဝန်ရှိပုဂ္ဂိုလ်များ၊ စီးပွားရေးလုပ်ငန်းရှင်များ တက်ရောက်ကြပြီး ကျောင်းသား၊ ကျောင်းသူများ ပြုလုပ်ထားသော Project များကို စိတ်ပါဝင်စားစွာ ကြည့်ရှု့လေ့လာကြပါသည်။
နေ့လယ်ပိုင်းတွင် ဟင်္သာတမြို့နယ်အတွင်းရှိ အထက်တန်းကျောင်းအသီးသီးမှ ကျောင်းသား၊ကျောင်းသူ များ၊ ကိုယ်ပိုင်အထက်တန်းကျောင်းများဖြစ်ကြသော ဂုဏ်ထူးပန်းခင်းနှင့် ကြယ်တံခွန်ကျောင်းများမှ ကျောင်းသား၊ ကျောင်းသူများနှင့် ကြီးကြပ်သူ ဆရာ/ဆရာမများ အင်အား(၃၀၀)ခန့် လာရောက်ကြည့်ရှု့လေ့လာကြပါသည်။
ညနေပိုင်းတွင် Global Earth Company၏ ဆောင်ရွက်လျက်ရှိသော လုပ်ငန်းများအကြောင်းအား ကုမ္ပဏီ ၏တာဝန်ရှိသူ General Manager ဒေါ်ဝင်းဝင်းမှရှင်းလင်းပြောကြားပြီး၊ IT ဌာနတာဝန်ခံ ဦးနိုင်နိုင်ဝင်းထွန်းမှ ၎င်းတို့ကုမ္ပဏီ၌ IT နည်းပညာဖြင့် အကောင်အထည်ဖော်ဆောင်ရွက်မည့် လုပ်ငန်းများအကြောင်းကို ရှင်းလင်း ပြောကြားပြီး ICT Project ပြပွဲ၌ ဆုရရှိသူများအား အလုပ်ခန့်အပ်ရန် ကမ်းလှမ်းစာများကို ပေးအပ်ချီးမြှင့်ခဲ့ပါ သည်။
အခမ်းအနားကို ညနေ(၄း၀၀) အချိန်တွင် ရုတ်သိမ်းခဲ့ပါသည်။
