ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့ရှိ ကွန်ပျူတာတက္ကသိုလ်(ဟင်္သာတ) ကျောင်း၏ ရွှေဝါထွန်းခန်းမတွင် ၂၀၂၃-၂၀၂၄ ပညာသင်နှစ် စုပေါင်းဝါဆိုသင်္ကန်းဆက်ကပ်လှူဒါန်း ပွဲကို ဒုတိယပါမောက္ခချုပ်၊ဆရာ/ဆရာမများ၊ ဝန်ထမ်းများ၊ကျောင်းသားများစုပေါင်း၍ ဇူလိုင်လ ၂၀ ရက်နေ့၊ ဝါဆိုလပြည့်နေ့၊ နံနက် (၁၀:၀၀) နာရီတွင်ကျင်းပခဲ့ရာ သံဃာတော်များအား ဝါဆိုသင်္ကန်း၊ ထီး၊ ဖိနပ် တို့အား လှူဒါန်းပြီး နေ့ဆွမ်းဆက်ကပ် အလှူဒါနပြုခဲ့ပါသည်။ လှူဒါန်းမှုအစုစုအား ရေစက်ချ အမျှပေးဝေပြီး သာဓုမောဒန(၃)ကြိမ် ခေါ်ဆို၍ အခမ်းအနားကို ရုတ်သိမ်းကာ ကြွရောက် လာကြသော ဆရာ၊ ဆရာမများ၊ ဝန်ထမ်းများ၊ ကျောင်းသား/ ကျောင်းသူများအား နေ့လည်စာဖြင့် ကျွေးမွေးဧည့်ခံခဲ့ပါသည်။
