ဧရာဝတီတိုင်းဒေသကြီး၊ ဟင်္သာတခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ကွန်ပျူတာ တက္ကသိုလ် (ဟင်္သာတ) တို့ ပူးပေါင်း၍ "လူငယ်နှင့် အဂတိ လိုက်စားမှုတိုက်ဖျက်ရေး" ခေါင်းစဥ်ဖြင့် လူငယ်စကားဝိုင်းကို ဇန်နဝါရီ ၂၅ရက်နေ့ မွန်းလွဲ ၁ နာရီခွဲ က ကွန်ပျူတာ တက္ကသိုလ် ဘွဲ့နှင်း သဘင် ခန်းမတွင် ကျင်းပခဲ့သည်။
လူငယ်စကားဝိုင်းသို့ ဟင်္သာတခရိုင် စီမံအုပ်ချုပ်ရေးအဖွဲ့ ဥက္ကဌ ဦးမြင့်သန်းဝင်း တက်ရောက်ပြီး အဖွင့်အမှာစကားပြောကြားရာတွင်"နိုင်ငံတော်ဖွံ့ဖြိုးတိုးတက်ရန်အတွက် မိမိတို့ တတ် မြောက်ထားသည့် ကွန်ပျူတာနည်းပညာရပ်များဖြင့် အထောက် အကူပြုနိုင်သည့် ကျောင်းသား/သူများဖြစ်အောင် ကြိုးစားကြစေလိုကြောင်း၊ လူငယ်စကားဝိုင်းများကျင်းပပေးခြင်းဖြင့် အသိညဏ်ပညာ ဗဟုသုတများ တိုးတက်ကြွဝယ်လာမည် ဖြစ်ကြောင်း၊ ကျောင်းသား/သူများဟာ နောင်တစ်ချိန်တွင် နိုင်ငံ့တာဝန်ထမ်းဆောင်ကြမည့်သူများဖြစ်သည့်အတွက် ခေါင်းဆောင်ကောင်းများ ဖြစ်အောင်ကြိုးစားစေလိုကြောင်း အဖွင့်အမှာစကားပြောကြားပြီး" ဆက်လက်၍ ဒုတိယပါမောက္ခချုပ် ဒေါက်တာထွန်းမြတ်အောင်က လူငယ်စကားဝိုင်းကျင်းပရသည့် ရည်ရွယ်ချက်အား ရှင်းလင်းပြောကြားခဲ့သည်။ ထို့နောက် "လူငယ်နှင့်အဂတိ လိုက်စားမှုတိုက်ဖျက်ရေး" စကားဝိုင်းကို အစီအစဥ်တင်ဆက်သူအဖြစ် ခရိုင်ပြန်/ဆက်ဦးစီးမှူး ဒေါ်ခင်စန္ဒာဆွေ၊ ခရိုင်ဥပဒေအရာရှိ ဦးကျော်ဝင်းတို့နှင့်အတူ ပထမနှစ်ကျောင်းသားကျောင်းသူများဖြစ်ကြသော မောင်ဇာနည်ထွဋ်က "အဂတိလိုက်စားမှု၏ နောက်ဆက်တွဲဆိုးကျိုးများနှင့် လူငယ်များ၏အခန်းကဏ္ဏ"၊ မဝတ်ရည်ဖြိုးက "အဂတိလိုက်စားမှုလျော့ချရေးနှင့် အသိပညာပေးလုပ်ငန်းများ၏အရေးပါမှုမောင်မျိုးမွန်ထွန်းက "အဂတိလိုက်စားမှုတိုက်ဖျက်ရေးနှင့် ပြည်သူများ၏ အခန်းကဏ္ဏ"၊ မနော်ပြုံးမာန်ဖူးက "အဂတိ လိုက်စားမှု လျော့ချရေးအတွက် တရားဥပဒေစိုးမိုးရေး" စသည့် ခေါင်းစဥ်များဖြင့် အသီးသီး ဆွေးနွေးပြောကြားခဲ့ပြီး တက်ရောက်လာသည့် ကျောင်းသား/ကျောင်းသူများမှ သိရှိလိုသည်များ မေးမြန်းခဲ့ရာ တာဝန်ရှိသူများနှင့်စကားဝိုင်းတွင်ဦးဆောင်ဆွေးနွေးကြသူများမှ ပြန်လည်ဖြေကြားပေးခဲ့ကြသည်။ထို့နောက် လူငယ်စကားဝိုင်းတွင် ပါဝင်ဆွေးနွေးသူများအား ဟင်္သာတခရိုင်စီမံအုပ်ချုပ်ရေးအဖွဲ့ ဥက္ကဋ္ဌ ဦးမြင့်သန်းဝင်းက ဂုဏ်ပြုမှတ်တမ်းလွှာ ပေးအပ်ခြင်း၊ ဒုတိယပါမောက္ခချုပ် ဒေါက်တာ ထွန်းမြတ်အောင်က အမှတ်တရ လက်ဆောင်များပေးအပ်ခဲ့ကာ တာဝန်ရှိသူများနှင့် စကားဝိုင်းဆွေးနွေးသူများက အမှတ်တရ စုပေါင်းမှတ်တမ်းတင်ဓါတ်ပုံရိုက်ကူးကြသည်။
အဆိုပါ လူငယ်စကားဝိုင်းသို့ ဟင်္သာတခရိုင် စီမံအုပ်ချုပ်ရေးအဖွဲ့ ဥက္ကဌ ဦးမြင့်သန်းဝင်း၊ခရိုင်ဥပဒေအရာရှိ ဦးကျော်ဝင်း၊ခရိုင်ပြန်ဆက်ဦးစီးမှူး ဒေါ်ခင်စန္ဒာဆွေနှင့်ဝန်ထမ်းများ၊မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးညွှန့်ဆန်းထွန်းနှင့် ဖိတ်ကြားထားသော ဧည့်သည်တော်များ၊ ကွန်ပျူတာတက္ကသိုလ်ကျောင်း ဒုတိယပါမောက္ခချုပ် ဒေါက်တာထွန်းမြတ်အောင်နှင့် ဆရာ၊ ဆရာမများ၊ ကျောင်းသား၊ ကျောင်းသူများ ၂၅၀ဦးတက်ရောက်ခဲ့
